Hoxe fixemos a visita a Glendalough, o "Val dos dous lagos", na zona das Wicklow Mountains, para ver o mosteiro fundado por San Kevin no s. VI.
O día comezou con chuvia e o parte meteorolóxico anunciaba chuvas intensas ao mediodía. Pero tendo parauguas e chuvasqueiros, que importa a choiva? Non nos vai impedir seguir cos nosos plans. Chove en Galicia, chove en Irlanda... Cal é o problema?
Ás 9 collemos o autobús que nos puxo o colexio para a viaxe, neste caso xunto cun grupo de italianos, do val d´Aosta. Logo dunha hora de viaxe, e tras percorrer de novo paisaxes fermosísimas, chegamos a Glendalough, e aí comezaron os problemas: a profesora dos italianos decidiu que, posto que chovía, non se podía visitar o lugar e era mellor ir a un centro comercial para comer. Nós decidimos que non iamos regresar sen ver aquilo que nos levara ata alí, non tiña sentido dar a volta sen ver nada. En fin, discrepancia de opinións. Vese que os do Val d'Aosta lle teñen medo á choiva.
No Visitor Centre vimos primeiro un interesante documental sobre os mosteiros irlandeses, a súa simboloxía... que dá para pensar que tendo nós o extraordinario patrimonio artístico que temos, por exemplo o románico ourensán, sen embargo que mal o vendemos.
A inscrición desta pedra é ben parecida ao noso petroglifo de Mogor
Glenealo River.
e tamén a Sant Kevin's kitchen, o oratorio do s. XI-XII
e volvemos xa ao autobús para, despois dunha hora e pico de viaxe, chegar, agora si, ao Shopping Centre de marras, no sur de Dublín, onde comemos, fixemos algunhas compras e, despois, regresamos a Malahide.
Mañá faremos o percorrido en tren pola baía de Dublín nos sós, ao noso aire, que é como mellor estamos.
Aproveitádevos desa choiva porque aquí vai calor abondo.
ResponderEliminarSaúdos a todos/as desde Os Picos de Europa
ResponderEliminarMandade un pouco de chuvia e frío para Ourense, por favor... AF
ResponderEliminarFixestes o debido. Moi ben. Estes da Val de Aosta son medio franceses...AF
ResponderEliminar